Çilidə tanınan telejurnalist Markos Borkoski Paezin Xocalı qətliamı haqda məqaləsi dərc olunub.

Axar.az xəbər verir ki, "Cambio 21" xəbərlər portalında yayımlanan "Xocalı adlı Azərbaycan şəhərinin dəhşətli tarixi" başlıqlı yazıda erməni vəhşiliyindən bəhs olunub.

Yazı Azərbaycanın Çilidəki diplomatik missiyasının müvəqqəti işlər vəkili Orxan Hacıyevin Xocalı soyqırımının 24-cü ildönümünə həsr olunan "613" adlı məqaləsi əsasında hazırlanıb.

Məqalədə M.Borkoski O.Hacıyevlə tanış olması və onunla söhbəti əsnasında Xocalı soyqırımı barədə eşitdiyi dəhşətli faciənin təfərrüatıdan bəhs edib.

Vurğulanıb ki, Azərbaycanın beynəlxalq səviyyədə tanınmış ərazilərinin 20 faizi Ermənistan tərəfindən işğal olunub, bir milyondan çox azərbaycanlı qaçqın və məcburi köçkün vəziyyətinə düşüb.