13:44

İranın İsrailə hücumundan sonra Tehrana təzyiqlərin artırılması zəruridir.

Axar.az xəbər verir ki, bunu Fransa Prezidenti Emmanuel Makron deyib.

“İranı təcrid etmək və sanksiyaları gücləndirmək lazımdır. Fransa münaqişənin eskalasiyasının qarşısını almaq üçün işləmək niyyətindədir. Onun böyümə ehtimalı hamımızı narahat edir. Bunun qarşısını almaq üçün hər şeyi edəcəyik”, - o bildirib.

Makron, eyni zamanda, İordaniyanın istəyi ilə şənbə gecəsi mühafizə və müdafiədə ciddi iştirak etdiklərini bildirib:

“İordaniyada hava bazalarımız var... İordaniyanın hava məkanı bu hücumla pozulub. Təyyarələrimizi havaya qaldırdıq və dayandırmalı olduqlarımızı dayandırdıq”.

Qeyd edək ki, Fransanın H5 hava bazası İordaniyada on ildir yerləşib.