Mayın 21-də Təbrizdə helikopter qəzası qurbanlarının vida mərasiminə gətirildikdən sonra itkin düşən şəxslərdən daha ikisinin kimliyi məlum olub.

Axar.az xəbər verir kİ, bu barədə yerli sosial media kanallarında məlumat yayılıb.

Bildirilib ki, 81 yaşlı Novruzəli Mütəzahir və onun həyat yoldaşı Tükəzban Mütəqəllib mərasimdən sonra yoxa çıxıblar.

Yaşlı cütlüyün yaxınları onların Təbrizin 50 kilometrliyindəki Xoca şəhərindən vida mərasiminə apardıqlarını deyiblər. Hökumətin yerli qurumlarının təşkilatçılığı ilə həmin şəhərdən 12 avtobusdan ibarət karvan Təbrizə aparılıb.

Yerli fəallar həmin şəxslərin mərasimlərdə iştirakı müqabilində hər birinə 5 kq-lıq bitki yağı, 5 kq düyü və 500 min tümən (9 dollar) verildiyini bildirirlər.