Heç kim türk liderlərin torpaqlarının bir parçasını belə könüllü şəkildə ermənilərə verəcəyi illüziyasına qapılmasın.

Axar.az xəbər verir ki, bu sözlər Türkiyənin solçu Xalqın Qurtuluş Partiyasının (XQP) Qarabağda baş verən son hadisələrlə bağlı yaydığı bəyanatda yer alıb.

Partiya Ermənistanın Azərbaycana qarşı hücumlarını pisləyib:

"Ermənilər 1915-ci ildə Osmanlıdakı boşluqdan istifadə etdi və üsyana qalxdılar. Qərb dövlətlərinin məqsədi bəli idi. Osmanlını bölüb paylaşmaq. Bu hadisələrdən sonra Ermənistan milli kimliyini türk düşmənliyi ideologiyası üzərində qurdu. 100 il əvvəl Daşnaksütyun Partiyası qadın, uşaq, qoca demədən müsəlmanları qırdı. Erməni ordusu 1992-ci ilin fevralında Xocalıda azərbaycanlıları soyqırıma məruz qoydu. Dağlıq Qarabağı işğal etdi. Canına türk düşmənliyi hopmuş Ermənistan ordusu kiçik uşaqlara belə vəhşiliklər etdilər. Dünyada bu cür hadisələr azdır. Ermənistan 20 ildən artıqdır ki, işğalı davam etdirir. BMT-nin qətnamələri olsa belə, bunlara əməl etmir. 1915-ci ildən yüz il keçib. Ermənistan 100 il öncə olduğu kimi bu gün də Rusiyanın təhriki ilə türk xalqlarına hücum edir. Biz Azərbaycan xalqının yanında olduğumuzu növbəti dəfə elan edir və Ermənistanın Azərbayacana hücumlarını lənətləyirik".