Gürcüstanın fəaliyyət planı olmadan NATO-ya qəbul edilməsi texniki cəhətdən mümkündür.

Axar.az xəbər verir ki, bunu jurnalistlərə açıqlamasında Türkiyə Xarici İşlər naziri Mövlud Çavuşoğlu deyib.

Çavuşoğlu Gürcüstanın NATO-nun bütün tələblərinə cavab verdiyini bildirib:

"Biz Gürcüstanı tam olaraq dəstəkləyirik. Ankara bu məsələni NATO nazirlərinin bütün görüşlərində qaldırır. Varşava sammiti zamanı NATO genişlənməlidir. Biz Montoneqroya Alyansa qəbul edilməsi üçün dəvət göndərmişik. Bosniya-Hersoqovina, Makedoniya və Gürcüstana da eyni dəvət göndərilib. Ankara Gürcüstanın NATO-ya üzvlüyünü hər zaman dəstəkləyir".