22:53

Səudiyyə Ərəbistanına səfər edən ABŞ Prezidenti Barak Obama Ər-Riyad valisi Şahzadə Faysal ibn Bəndər tərəfindən qarşılanıb.

Axar.az xəbər verir ki, Obamanı Səudiyyə Kralı Salman ibn Əbdüləzizin qarşılamaması diqqətlərdən yayınmayıb.

Qeyd edək ki, Obama Ər-Riyadda Fars Körfəzi ölkələrinin liderləri ilə görüşəcək.

Xatırladaq ki, bir müddət əvvəl ABŞ administrasiyası 11 sentyabr hadisələrinə görə Səudiyyə Ərəbistanının məsuliyyətə cəlb olunacağını bildirmişdi. Rəsmi Ər-Riyad isə belə olacağı təqdirdə ABŞ-da olan 750 milyardlıq aktivlərini donduracağı ilə bağlı Vaşinqtonu təhdid etmişdi. Daha sonra Obama Səudiyyə Ərəbistanına qarşı olan qanun layihəsini dəstəkləmədiyini bəyan etmişdi.

23:13

ABŞ Prezidenti Barak Obama Səudiyyə Ərəbistanı Kralı Salman bin Əbdüləzizlə görüşüb.

Axar.az xəbər verir ki, mətbuata bağlı qapılar arxasında keçirilən görüşdə iki ölkə arasındakı münasibətlər, Orta Şərq regionunda baş verənlər, terrorla mübarizə yolları müzakirə edilib.