İsrail ordusu son 24 saat ərzində Livanın cənubunda bir neçə lokallaşdırılmış əməliyyat keçirib, Hizbullah terror infrastrukturunu dağıdıb, silahları ələ keçirib və terrorçuları məhv edib.

Axar.az xəbər verir ki, bu barədə İsrail ordusu məlumat yayıb.

Qeyd edilib ki, ötən gün axşam saatlarında İsrailin şimalına Livandan atılan mərmi atışlarına görə məsuliyyət daşıyan bir atış sahəsi və hücum edən zərərsizləşdirib.

“Paralel olaraq, ÇAXAL qoşunları Qəzza zolağında intensiv əməliyyatları davam etdirir. Cəbəliyyədə hava və quru qüvvələri hərbi obyektlərə hədəfli reydlər keçirərək onlarla HƏMAS terrorçusunu məhv edib. Qəzzanın mərkəzində ordu bir neçə silahlı əməliyyatçını zərərsizləşdirib, Rəfahda isə qoşunlar düşmənçilik fəaliyyəti üçün istifadə edilən yeraltı tunelin olduğu hərbi obyekti müəyyənləşdirib və onlara zərbələr endirib.

Son sutkada İsrail ordusu Qəzzadakı HƏMAS və Livandakı Hizbullahla əlaqəli 200-dən çox obyekti hədəfə alıb, əsas zərbələr komanda mərkəzləri, raket buraxılış məntəqələri və terror qrupları tərəfindən istifadə edilən digər mühüm infrastrukturlara yönəldib”, - məlumatda bildirilib.