Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çox yüksək səviyyədə təşkil olunub. Bu konfrans siyasi baxımdan da mühüm əhəmiyyət kəsb edirdi. Bu konfransında iştirak bizim üçün yeni imkanlar açdı.

Axar.az xəbər verir ki, bu sözləri Gürcüstanın Baş naziri İrakli Kobaxidze ölkənin İctimai Televiziyasına (1tv.ge) müsahibəsində söyləyib.

Baş nazir deyib ki, Bakıda keçirilən COP29 yüksək səviyyəli konfransdır:

“Təbii ki, bu, həm də siyasi baxımdan mühüm və maraqlı idi. Belə format ölkəmizlə bağlı məsələləri onlarla liderlə müxakirə etməyə imkan verir və biz bu imkandan maksimum yararlandıq. Azərbaycan Prezidenti İlham Əliyevlə çox mehriban və məhsuldar görüş keçirdim. Bundan başqa bir çox liderlə görüşüb söhbət etmək imkanım oldu. Konfrans bu baxımdan da çox əhəmiyyətli idi”.