Paris Notr-Dam kilsəsinin dam örtüyünün bərpasında 460 kiloqram kanserogen qurğuşundan istifadə edilib. Bu, məsuliyyətsiz seçimdir, qurğuşun çox təhlükəlidir və həm bərpa işlərində çalışan işçilər, həm də yaxınlıqda yaşayan sakinlər və kilsəyə gələn ziyarətçilər üçün risk yaradır.

Axar.az xəbər verir ki, bu barədə “RİA Novosti”yə Ümumi Əmək Konfederasiyası Paris bölməsinin baş katibi Benua Marten danışıb.

Martenin sözlərinə görə, 2019-cu ildə kilsədə baş vermiş və damındakı 400 kiloqram qurğuşunun yanması ilə nəticələnən yanğından sonra aparılan testlər yaxınlıqda yaşayan uşaqlarda qurğuşun səviyyəsinin normadan artıq olduğunu göstərib. 2022-ci ildə valideynlər və saturnizm xəstələrinin assosiasiyaları "üçüncü şəxslərin təhlükəyə məruz qalması" maddəsi ilə Regional Sağlamlıq Agentliyinə, mədəniyyət və sağlamlıq nazirliklərinə qarşı məhkəməyə müraciət edərək, bu qurumları səhlənkarlıqda ittiham edib.

Qeyd edək ki, Notr-Dam kilsəsinin təmirdən sonra 8 dekabrda açılış mərasimi keçirilib.