Türkiyənin Gürcüstandakı səfiri Əli Kaan Orbay Gürcüstanın xarici işlər naziri Maka Boçorişvili ilə görüşüb.

Axar.az xəbər verir ki, görüşdə strateji əməkdaşlıq çərçivəsində ikitərəfli və çoxtərəfli gündəliyin aktual məsələləri müzakirə olunub.

Regionda gedən proseslər, sabitliyin və sülhün təşviqində Gürcüstanın və Türkiyənin rolu barədə fikir mübadiləsi aparılıb. Söhbət zamanı Gürcüstan və Türkiyə arasında ticari-iqtisadi əməkdaşlığın dərinləşdirilməsinin perspektivləri müzakirə olunub. Regional əməkdaşlığa, birgə layihələrin vacibliyinə, iki ölkənin tranzit və nəqliyyat potensialından tam istifadə edilməsi zərurətinə diqqət yetirilib.