Mən ölkəmizə gələn cinayətkarların burada olan cinayətkarlardan dəfələrlə pis olduğunu deyəndə bu bəyanat demokratlar və saxta xəbərlər mediası tərəfindən daim təkzib edildi, lakin bunun həqiqət olduğu ortaya çıxdı.

Axar.az xəbər verir ki, bu sözləri ABŞ-ın yeni seçilmiş Prezidenti Donald Tramp Yeni Orleanda baş vermiş hücuma reaksiyasında deyib.

O, hadisənin baş verməsinə səbəb kimi Prezident Co Baydenin dövründə qanunsuz miqrasiya siyasətini göstərib:

“Ölkəmizdə cinayət dərəcəsi indiyədək görünməmiş səviyyədədir. Ürəyimiz bütün günahsız qurbanlar və onların yaxınları, o cümlədən Yeni Orlean polisinin cəsur zabitlərinin yanındadır. Tramp administrasiyası bu qəddarlıq aktından sonrakı bərpa prosesində və hadisənin araşdırılmasında Yeni Orlean şəhərinin rəhbərliyini tam dəstəkləyəcək”.

Qeyd edək ki, Yeni Orlean şəhərində Cabbarın avtomobili izdihamın üzərinə sürməsi nəticəsində 10 nəfər ölüb, 35 nəfər isə yaralanıb.