2020-ci il oktyabrın 7-dən 17-dək olan müddətdə Ermənistan Silahlı Qüvvələrinin Baş Qərargah rəisinin keçmiş müavini Tiran Xaçatryan öz xidməti vəzifələrinin icrasına səhlənkar münasibət göstərib. O, Cənub qrupu üçün nəzarət mərkəzi yaratmayıb və hərbi əməliyyatların aparılması zamanı bir sıra tədbirləri tam həyata keçirməyib.

Axar.az xəbər verir ki, bu barədə Ermənistan İstintaq Komitəsindən məlumat verilib.

“Xaçatryanın hərəkətləri müdafiənin uğursuzluğuna səbəb olmuş, komandanlıq və idarəetmə sisteminə zərbə vurmuş, qarşıya qoyulmuş döyüş tapşırığının icrası pozulmuş, nəticədə düşmən yaranmış vəziyyətdən istifadə edərək strateji yüksəkliyi maneəsiz ələ keçirmişdir”, - məlumatda qeyd olunub.

Qeyd edək ki, dünən Ermənistanın milli qəhrəmanı, general-mayor Tiran Xaçatryan saxlanılıb. Bu gün məhkəmənin qərarı ilə onun barəsində 2 ay müddətinə həbs qətimkan tədbiri seçilib.