İranla bağlı əsas qərarlar qəbul etməyin vaxtı çatıb.

Axar.az xəbər verir ki, bu sözləri Donald Trampın milli təhlükəsizlik üzrə müşaviri Mayk Uolts “CBS Nyus”a açıqlamasında deyib.

O bildirib ki, hazırda İran Netanyahu və israillilərin sayəsində ağır vəziyyətdədir və HƏMAS qrupunun heyrətamiz əməliyyatla başı kəsilib:

“Hamı deyirdi ki, Hizbullah lideri Həsən Nəsrullahı aradan götürmək həddən artıq eskalasiya, həddən artıq təxribat olardı, bunu etmək olmaz. Amma İsrail bunu etdi.

Həmişə güman edirdilər ki, “süvarilər” şimaldan Hizbullahla gələcək. Bu, artıq belə deyil və məncə, onların indi razılaşmasının əsas səbəbi budur. İranın hava hücumundan müdafiəsi məhv edilib. Beləliklə, bəzi vacib qərarlar qəbul etməyin vaxtı gəldi və biz bunu gələn ay ərzində edəcəyik”.