İsrailin Baş naziri Benyamin Netanyahu ABŞ Prezidenti Donald Trampla danışıqlar zamanı onun Qəzzada HƏMAS hərəkatına qarşı hərbi əməliyyatların davam etdirilməsi planlarını təsdiqləməsinə çalışacaq.

Axar.az xəbər verir ki, bu barədə "Axios" mənbələrinə istinadən məlumat yayıb.

"Qərar verməzdən əvvəl Netanyahu Trampın daimi atəşkəs və İsrail qoşunlarının Qəzzadan tamamilə çıxarılması ilə nəticələnəcək razılaşmanın ikinci fazası ilə bağlı nə düşündüyünü bilmək istəyir. Netanyahu ümid edir ki, o, Trampın düşüncəsinə təsir göstərə və onu Qəzzada müharibə ilə bağlı planlarını təsdiqləməyə inandıra biləcək. Baş nazir razılaşmanın ikinci mərhələsinə keçməmək qərarına gəlsə, bu, Qəzzada HƏMAS-ı devirmək üçün müharibənin ən azı bir il uzanmasına səbəb ola bilər. Razılaşmanın ikinci mərhələsi üzrə danışıqlar sazişdə nəzərdə tutulduğu kimi bazar ertəsi başlamayacaq, çünki Netanyahu Trampla görüşündən əvvəl Dohaya danışıqlar qrupunu göndərməmək qərarına gəlib", - mənbə bildirib.