14:04

Vaşinqtondan qalxan “Qolfstrim G650ER” şəxsi təyyarəsi Moskvanın Vnukovo aeroportuna enib.

Axar.az xəbər verir ki, bu barədə “Baza” Teleqram kanalı məlumat yayıb.

Məlumata görə, təyyarə ABŞ Prezidenti Donald Trampın Yaxın Şərq üzrə xüsusi nümayəndəsi Stiven Uitkofla bağlıdır.

“Flightradar” xidməti “Qolfstrim G650ER” təyyarəsinin Moskva vaxtı ilə səhər saat 10 radələrində Vnukovo hava limanına endiyini bildirib.

Kremlin sözçüsü Dmitri Peskov jurnalistlərə açıqlamasında Uitkofun Rusiyaya səfərindən xəbərsiz olduğunu bildirib.

“Kremldə ABŞ rəsmisinin gəlişi ilə bağlı heç bir məlumat yoxdur, hər hansı təmas planlaşdırılmayıb”, – Peskov deyib.

Uitkof qısa müddət sonra Rusiya Xarici İşlər Nazirliyinin binasına daxil olarkən görüntülənib.