KXDR Müdafiə Nazirliyi “Düşmənlərin strateji təhlükəsinə strateji vasitələrlə cavab verəcəyik” başlığı ilə bəyanat yayıb.

Axar.az xəbər verir ki, bu barədə Koreya Mərkəzi Xəbər Agentliyi məlumat yayıb.

“Tramp administrasiyası hakimiyyətə gələndən bəri ABŞ və onun satellitləri tərəfindən KXDR-də təhlükəsizlik vəziyyətini təhdid edən hərbi təxribatlar güclənib.

ABŞ-ın tipik təkəbbürü, ikili standartlarının həyasız və quldur məntiqi heç bir halda bizim üçün məqbul deyil.

Nüvə silahlı qüvvələrimiz regionda dövlətin suverenliyini və təhlükəsizliyini qoruyan vasitədir və onların sürətlə gücləndirilməsi ABŞ və onun satellitlərindən gələn hərbi təhdidlərə cavab vermək üçün reallığın tələbidir.

KXDR ABŞ və digər düşmənlərdən gələn strateji təhdidlərə öz strateji vasitələri ilə cavab verəcək və güclü çəkindirici qüvvələrlə Koreya yarımadasındakı qeyri-sabit təhlükəsizlik vəziyyətinə nəzarət etməyə yönəlmiş məsuliyyətli hərbi əməliyyatları davam etdirəcək”, - deyə məlumatda bildirilib.