Ukrayna Prezidenti Vladimir Zelenski Kiyevdə resurslarla bağlı sazişi müzakirə edərkən ABŞ-ın maliyyə naziri Skott Bessentə qışqırıb.

Axar.az xəbər verir ki, bu barədə “Faynenşl Tayms” məlumat yayıb.

"Kiyevdə Zelenskinin ofisinin qapıları arxasında Ukraynanın ən mühüm strateji alyansının gələcəyi ilə bağlı gərginlik baş verdi. Oradan eşidilən xırıltılı qışqırıqları başqa heç nə ilə səhv salmaq olmaz", - nəşr bildirib.

Nəşrin görüşdə iştirak edən mənbəyə istinadla verdiyi məlumata görə, Zelenskinin son dərəcə qəzəbli olub.

Qeyd edək ki, bundan əvvəl ABŞ Prezidenti Donald Tramp Kiyevin ABŞ-ın maliyyə naziri Skott Bessentlə kobud davrandığını və sazişi imzalamaqdan imtina etdiyini bildirmişdi.