Ukrayna Almaniyanın, Avropanın və digər ölkələrin sarsılmaz dəstəyinə arxalana bilər.

Axar.az xəbər verir ki, bunu Almaniya xarici işlər naziri Annalena Berbok Tramp-Zelenski görüşünü şərh edərkən X hesabında yazıb.

“Ukrayna tək deyil. Almaniya müttəfiqləri ilə birgə Ukraynanın yanındadır və Rusiyanın hücumuna qarşıdır”, - Berbok bildirib.

Qeyd edək ki, Ağ Evdə ötən gün baş tutan görüş olduqca gərgin keçib və tərəflər ictimaiyyət önündə belə mübahisə ediblər. Daha sonra qapalı davam edən görüş də yarımçıq kəsilib, Zelenski Ağ Evi erkən tərk edib, birgə mətbuat konfransı və Ukrayna ilə təbii sərvətlərlə bağlı hazırlanmış sazişin imzalanması ləğv edilib.