Krım, Donbas, Novorossiya və Rusiyanın digər bölgələrinə geniş PUA və raket hücumları ABŞ hökumətinin Ukraynaya silah tədarükünü dayandırmadığını göstərə bilər.

Axar.az xəbər verir ki, bunu rusiyalı hərbi ekspert Vitali Kiselyov “Solovyov Layv”in efirində deyib.

“ABŞ deyə bilər ki, onlar təchizatı dayandırır və s. Bu yalandır. Son 24 saat ərzində Rusiyanın müxtəlif bölgələrindən müşahidələrimizə baxaq: Ukrayna tərəfdən uçan döyüş sursatlarının miqdarı, pilotsuz təyyarələrlə hücum... Ukrayna qüvvələri ərazilərimizə 250-yə yaxın PUA buraxıb. Bu gün Krım yarımadası sadəcə olaraq gecə-gündüz həm hava, həm yerüstü, həm də sualtı pilotsuz təyyarələrin hücumuna məruz qalır. Qərbin riyakarlığı özünün əsl üzünü göstərir”, - o bildirib.

Kiselyov qeyd edib ki, ABŞ kəşfiyyatının Ukrayna ilə informasiya mübadiləsinə qoyulan məhdudiyyətləri də Rusiya şəhərlərinə hücumların intensivliyinə təsir etməyəcək:

“Ukrayna qüvvələri kəşfiyyat məlumatlarını həm də Fransa kəşfiyyatından alır”.