Macarıstan Ukraynanın Avropa Birliyinə üzvlüklə bağlı danışıqlarına qoyduğu vetonu ləğv etməyəcək.

Axar.az xəbər verir ki, bunu Macarıstanın xarici işlər və xarici iqtisadi əlaqələr naziri Peter Siyarto deyib.

O bildirib ki, bunun üçün əvvəlcə Zakarpatyedəki macar azlığın əlindən alınan hüquqları bərpa olunmalıdır:

“Bu gün yeni avstriyalı həmkarımla telefon danışığımız zamanı Zakarpatyedə macar icmasının hüquqlarının davamlı şəkildə pozulmasını və Ukraynanın inteqrasiya səylərini müzakirə etdik. Beata Maynl-Rayzingerin kömək etməyə hazır olmasını yüksək qiymətləndirirəm, lakin vəziyyət dəyişməz qalır. Ukrayna hökuməti daimi vədlərinə və gözəl sözlərinə baxmayaraq, 2015-ci ildə macar icmasının əlindən alınan hüquqları hələ də bərpa etməyib. Bu qəbuledilməzdir və bütövlükdə Avropa dəyərlərinə və qaydalarına ziddir”.