Ukrayna Tramp administrasiyası tərəfindən təklif olunan geniş iqtisadi sazişə, o cümlədən ABŞ investisiyalarının artırılmasına dair öhdəliklərə düzəlişlər etmək tələbi ilə ABŞ-a sorğu göndərib.

Axar.az xəbər verir ki, bu barədə “Blumberq“ məlumat yayıb.

Martın 28-də videokonfrans zamanı Ukrayna rəsmiləri amerikalı həmkarları ilə 60 səhifəlik saziş layihəsinin təfərrüatını müzakirə ediblər.

Layihəyə görə, ABŞ vaxt məhdudiyyəti olmadan Ukraynada iri infrastruktur və mineral layihələr üzərində nəzarəti əldə edəcək.

Rəsmi Kiyev narahatdır ki, saziş Avropaya inteqrasiyanı çətinləşdirəcək, həmçinin münaqişə başlayandan bəri verilmiş bütün hərbi və iqtisadi yardımların əvəzinin ABŞ-a ödənilməsi tələb ediləcək.

Qeyd edək ki, bundan öncə Ukrayna lideri Zelenski ABŞ-ın bu vaxta qədər etdiyi yardımların borc hesab edilməyəcəyini bildirmişdi.