Hindistan Hərbi Hava Qüvvələrinə məxsus “Yaquar” qırıcı təyyarəsi Qucarat ştatının qərbində kənd ərazisinə düşüb.

Axar.az xəbər verir ki, bu barədə Hindistan Hərbi Hava Qüvvələrinin yaydığı məlumatda deyilir.

“Camnaqar aerodromundan havaya qalxan iki nəfərlik “Yaquar” gecə uçuşu zamanı qəzaya uğrayıb. Pilotlar texniki nasazlıqla üzləşib, aerodroma və yerli sakinlərə heç bir ziyan vurmadan katapult edib. Təəssüf ki, pilotlardan biri aldığı xəsarətlərdən dünyasını dəyişib, digərinin müalicəsi isə xəstəxanada davam edir”, - qeyd olunur.

Bildirilir ki, hadisə təlim uçuşu zamanı baş verib. Hadisənin səbəbləri ilə bağlı araşdırma aparılır.