İran Prezidenti Məsud Pezeşkian parlament məsələri üzrə köməkçisi Şəhram Dəbirini vəzifəsindən azad edib.

Axar.az xəbər verir ki, bu məlumatı "Azad İran" Teleqram kanalı yazıb.

Şəhra Dəbirinin işdən çıxarılmasına səbəb onun Antarktidaya getməsi olub. Bu barədə prezidentin sərəncamında qeyd olunub:

“Novruz bayramında Antarktidaya istirahət səfərində olmağınız təsdiqini tapdı. Möminlərdən nümunə götürməklə fəxr edən bir hökumətdə, xalqa qarşı iqtisadi təzyiqlərin yüksək olduğu və məhrumiyyətlərin çox olduğu bir şəraitdə məmurların, hətta şəxsi hesabına belə bahalı istirahət səfərlərinə getməsi müdafiə oluna və əsaslandırıla bilməz”.

Xatırladaq ki, Şəhram Dəbirinin Antarktidaya səfəri ilə bağlı görüntülər vətəndaşların kəskin etirazına səbəb olmuşdu.