Rusiyanın döyüşə hazır bölmələri Pokrovskdən Toretsk istiqamətinə keçirilib.

Axar.az xəbər verir ki, bunu Ukrayna ordusunun “Azov” xüsusi təyinatlı briqadasının zabiti İlya Samoylenko bildirib.

O qeyd edib ki, ruslar sərhədi keçmək məqsədi ilə Kursk vilayətində əks-hücuma hazırlaşırlar: “Rusların hücum potensialını tükəndiyini söyləmək olmaz”.

Onun fikrincə, yaxın gələcəkdə Rusiyanın hücum hərəkətlərinin intensivləşməsini gözləmək lazımdır, xüsusən də Moskva ilə Vaşinqton arasında danışıqlar sayəsində müharibənin tezliklə bitəcəyi ilə bağlı fikirlər fonunda.

2025-ci ilin yazının müharibədə həlledici olub-olmayacağı sualına Samoylenko belə cavab verib:

"Yadımdadır ki, bu, 2023-cü ildən baş verir. 2023-cü il - yaz-yay həlledici olmalıdır, 2024-cü il - eyni şey. Bizim üçün hər mövsüm həlledicidir”.

O hesab edir ki, Rusiya heç bir danışıqlar prosesində maraqlı deyil, çünki onun döyüş meydanında əhəmiyyətli üstünlüyü var:

"Və onlar bu üstünlüyü dərk edirlər... Ona görə də burada hamı böyüklərin qərar verməsini gözlədiyi halda, ruslar daim öz uğurlarını artırmağa davam edirlər".