Səudiyyə Ərəbistanının Məkkə şəhərindəki Hira Maket Mərkəzində Kəbənin və ətrafının Məhəmməd peyğəmbərin (s.a.s) dövründə olduğu maketi hazırlanıb.

Avropa.info xəbər verir ki, təxminən miladi 610-cu ili əks etdirən maketdə Kəbə və onun ətrafındakı evlər göstərilib.

Maketin mərkəzində Kəbənin maketi durur. Yanında isə zəmzəm quyusu yerləşir.

Kəbənin yaxınlığında Məhəmməd peyğəmbərin (s.ə.s) dünyaya gəldiyi ev, onun bir az arxasında isə evləndikdən sonra Həzrəti Xədicə ilə birlikdə yaşadığı ev dayanır.

Kəbənin digər tərəfində isə İslam xəlifələri Əbubəkr və Ömərin evləri, Safə və Mərvə təpələri, Dərul-Ərqam, Darun-Nədva göstərilib.

Hira Maket Mərkəzində bundan başqa Peyğəmbərin (s.a.s) qaldığı evin təxmini maketi də sərgilənir.