Avropa Komissiyası bandit üsullarını özünə rəhbər tutub. Əgər onlar potensial üzvlərə qarşı bu cür kobud davranırlarsa, görəsən dövlət tam şəkildə bunların iradəsinə tabe olanda nə olacaq?

Axar.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova Avropa Komissiyasının Serbiya Prezidenti Aleksandr Vuçiçin 9 mayda Moskvaya səfərinə görə təhdid etməsini şərh edərkən bildirib.

“Avropa Komissiyası artıq demokratiyadan imtina edib? Əgər demokratiyanı prinsip kimi qəbul edirlərsə, onda xalqın demokratik iradəsinə də hörmət etməlidirlər. Yoxsa özlərinin tənqid etdikləri diktatura metodlarına əl atmasınlar”, – deyə Zaxarova vurğulayıb.

Qeyd edək ki, Qərb Vuçiçi Moskvaya səfər edəcəyi təqdirdə Serbiyanın AB-yə üzvlüyünün qadağan oluna biləcəyi ilə hədələyib.