Avropa Birliyi Şurası Rusiyanın xaricdə sabitliyi pozan hərəkətlərinin həyata keçirilməsində məsul olan 21 fiziki və 6 hüquqi şəxsə qarşı əlavə məhdudlaşdırıcı tədbirlərin tətbiqi barədə qərar qəbul edib.

Axar.az xəbər verir ki, bu barədə Avropa Birliyi Şurasının 20 may tarixli qərarında bildirilib.

Sanksiya siyahısına Viktor Medvedçukun da adı daxil edilib. Xatırladaq ki, Putin Medvedçukun qızının xaç atasıdır.

Yeni sanksiyaların tətbiqi ilə AB Rusiyanın xaricdəki sabitliyi pozan fəaliyyətində iştirak edən şəxslərin aktivlərini əhatə etmək üçün sanksiyaların dairəsini də genişləndirib. Sanksiyalar qayıqlara, təyyarələrə, daşınmaz əmlaka, rəqəmsal və kommunikasiya şəbəkələrinin fiziki elementlərinə, habelə kredit təşkilatlarının, maliyyə institutlarının və kripto-aktiv xidmət provayderlərinin birbaşa və ya dolayı yolla Rusiyada sabitliyin pozulmasına kömək edən əməliyyatlarına şamil edilir.

Qeyd edək ki, bu gün AB Rusiyaya qarşı 17-ci sanksiyalar paketini təsdiqləyib.