ABŞ və Avropa mediasında Trampı Rusiyaya qarşı daha sərt mövqe tutmağa məcbur etmək üçün kütləvi təzyiq kampaniyası aparılır. Bu kampaniyanın iki aydın məqsədi var: Putin və Trampın planlaşdırdığı Rusiya ilə ABŞ arasında münasibətlərin normallaşması prosesini pozmaq və Trampı yenidən Ukraynaya silah ayırmağa başlamağa məcbur etmək.

Axar.az xəbər verir ki, bunu rusiyalı politoloq Sergey Markov özünün Teleqram kanalında yazıb.

“Baydenin komandası getməzdən əvvəl Ukraynaya külli miqdarda silah ayırıb. Və Tramp bütün bu müddət ərzində onları təmin edib. Ancaq yenilərini ayırmır. Baydenin silahlarının tədarükünün iyunun sonunda başa çatması gözlənilir. Və o zaman Ukrayna ordusu və onun Avropadakı dayaq bazası çətin vəziyyətdə qalacaq. Və beləliklə, Trampa qarşı təzyiq kampaniyası güclənəcək.

Üstəlik, Ukrayna Təhlükəsizlik Xidməti, Britaniya və Fransa kəşfiyyatından hansısa qanlı təxribat gözləmək ehtimalı yüksəkdir. Bu təxribatın məqsədi bəllidir – Trampı Rusiya rəhbərliyinin barbarlığı və qəddarlığı qarşısında dəhşətə gətirmək. Və o, hər şeydə Putini günahlandırsın və silah tədarükünü bərpa etsin.

Onlar artıq Trampı Putinə qarşı sərt bəyanatlar verməyə sövq ediblər. Trampı “sındıracaqlar”, - Markov bildirib.