Xəbər verdiyimiz kimi, Türkiyənin xarici işlər naziri Hakan Fidan 29–30 may tarixlərində Ukraynaya səfər edəcək.

Axar.az xəbər verir ki, bu barədə TASS-a Türkiyə Xarici İşlər Nazirliyindən bildirilib.

"Hakan Fidan Ukraynanın xarici işlər naziri Andrey Sibiqanın dəvəti ilə 29–30 may 2025-ci il tarixlərində Ukraynaya səfər edəcək. Səfər çərçivəsində Hakan Fidanın Ukrayna Prezidenti Vladimir Zelenski və Baş nazir Denis Şmıqal tərəfindən qəbul olunması planlaşdırılır. Görüşlər zamanı nazir Fidan Türkiyənin indiyədək olduğu kimi, öz öhdəliklərini yerinə yetirməyə hazır olduğunu ifadə edəcək və Rusiya ilə Ukrayna arasında növbəti danışıqların keçirilməsinə dair təşəbbüs irəli sürəcək.

O, həmçinin Qara dənizdə gəmiçiliyin təhlükəsizliyinin təmin edilməsinin əhəmiyyətinə diqqət çəkəcək", – agentliyin mənbəsi qeyd edib.