Avropa Birliyi Suriyaya qarşı bütün iqtisadi sanksiyaları ləğv edib.

Axar.az xəbər verir ki, bu barədə AB Şurasının bəyanatında bildirilib.

“Avropa Birliyi Şurası Suriyaya qarşı bütün iqtisadi məhdudlaşdırıcı tədbirlərin, təhlükəsizliklə bağlı olanlar (terrorçuluğa qarşı tədbirlər – red.) istisna olmaqla, ləğv edilməsinə dair hüquqi sənədləri qəbul edib. Qara siyahıdan həmçinin Suriyanın Mərkəzi Bankı, neft hasilatı və pambıq emalı sahəsində fəaliyyət göstərən şirkətlər də daxil olmaqla, 24 şirkət çıxarılıb”, - bəyanatda vurğulanır.

Sənəddə qeyd olunub ki, bu addım 20 may tarixində AB xarici işlər nazirlərinin qəbul etdiyi və Suriyaya qarşı sanksiyaların aradan qaldırılmasının məqsədəuyğun olduğunu bildirən siyasi qərarın həyata keçirilməsidir.