Rusiya prezidentinin köməkçisi, Ukrayna ilə danışıqlarda Rusiya nümayəndə heyətinin rəhbəri Vladimir Medinski ilə Ukrayna müdafiə naziri Rüstəm Umerov arasında telefon danışığı baş tutub.

Axar.az xəbər verir ki, bu barədə Medinski jurnalistlərə açıqlamasında deyib.

“Rusiya Ukraynaya nizamlanma üzrə memorandumların mübadiləsi üçün yaxın günlərdə danışıqların ikinci raundunun dəqiq tarixini və yerini təklif edib”, - Medinski bildirib.

Medinski telefin zənginin onun tərəfindən həyata keçirildiyini vurğulayıb:

“Bütün dünya agentliklərinin yaydığı xəbəri oxudum ki, guya bizim hələ də hazırlamadığımız memorandumla bağlı Umerov mənə zəng edib. Deyirlər ki, ruslar tələsmir. Hər şey demək olar ki, belə idi. Yalnız əksinə. Bu gün Umerova mən zəng vurdum və memorandumların mübadiləsi üçün görüşün dəqiq tarixini və yerini təklif etdim. Elə oradaca biz gələcək atəşkəslə bağlı paket sazişinin hər bir bəndinin əsaslı müzakirəsinə başlamağa hazırıq”.