Rusiya Almaniyanın “Taurus” raketlərini, onların buraxıldığı və gətirildiyi yerləri vurmağa hazırdır.

Axar.az xəbər verir ki, bunu Rusiya Dövlət Dumasının Müdafiə Komitəsinin rəhbəri Andrey Kartapolov deyib.

"O, 2,5 min kilometr uçur - bu, elan edilmiş məsafədir. O, əslində nə qədər uçacaq, heç kim bilmir. Biz hər şeyə hazırıq. Biz “Taurus”ların buraxıldığı yerlərə, onları buraxanlara, lazım gələrsə, gətirildiyi yerlərə də zərbə endirməyə hazırıq", - Kartapolov bildirib.

O vurğulayıb ki, yüksək dəqiqlikli silahlar üzrə uçuş tapşırıqları bu silahların istehsal olunduğu ölkələrin silahlı qüvvələrinin mütəxəssisləri tərəfindən müəyyən edilir.

Qeyd edək ki, Böyük Britaniya, Fransa, ABŞ və Almaniya Ukraynaya verilən silahlara dair istifadə məhdudiyyətlərini aradan qaldırıb.