Xəbər verdiyimiz kimi, Ermənistanın Zəngəzur rayonunun Dığ kəndindən olan iki gənc - Karen Armenoviç Cangiryan (27 iyun 2007-ci il təvəllüdlü) və Andrey Armenoviç Qyaquntsun (13 yanvar 2008-ci il təvəllüdlü) iyunun 6-da saat 01:20 radələrində Azərbaycan ərazisinə keçmişdilər. Qısa müddətdən sonra – 6 iyunda Azərbaycan onları geri təhvil verdi.

Axar.az xəbər verir ki, onların geri təhvil verilməsindən sonra bəzi erməni sosial şəbəkələri və mediasında guya bu gənclərin azərbaycanlılar tərəfindən qaçırıldığı iddiası ortaya atılıb. Ciddi şəkildə təbliğ edilən böhtana isə Ermənistan Milli Təhlükəsizlik Xidməti reaksiya verib.

Rəsmi açıqlamada bildirilib ki, onlar ev heyvanlarını axtararkən azıblar və duman səbəbindən yolu tapa bilməyiblər:

“Onların azərbaycanlılar tərəfindən oğurlanması ilə bağlı yayılan məlumatlar həqiqətə uyğun deyil”.