2025.07.15 - 19:55

Avropa Birliyinə üzv ölkələrin xarici işlər nazirləri Rusiyaya qarşı 18-ci sanksiyalar paketi ilə bağlı danışıqlarda irəliləyiş əldə edə bilməyiblər.

Axar.az xəbər verir ki, AB-nin xarici işlər və təhlükəsizlik siyasəti üzrə ali nümayəndəsi Kaya Kallas bu barədə danışıqları blok etdiyinə görə Slovakiyanı tənqid edib.

O, Slovakiyanın sanksiyalara razılıq vermək üçün Avropa Komissiyasının Rusiya qazına idxal qadağası planı nəticəsində iqtisadi zərər yaranacağı təqdirdə bunun kompensasiya olunmasına dair vəd tələb etdiyini vurğulayıb.

K.Kallas bildirib ki, Slovakiyanın tələbləri Avropa Komissiyası tərəfindən yerinə yetirilib. Lakin Slovakiyanın Baş naziri Robert Fitso bu vədləri kifayət qədər inandırıcı saymayıb.