12 günlük İran-İsrail qarşıdurmaı zamanı İsrailin 30 pilotu həlak olub.

Axar.az xəbər verir ki, bunu İranın Əfqanistan və İraqdakı keçmiş səfiri Həsən Kazımi Qumi İran televizyasına müsahibəsində deyib.

“ABŞ və İsrailin İrana hücumdan məqsədləri hakimiyyəti dəyişmək idi”, - o əlavə edib.

Diplomat 12 günlük qarşıdurma zamanı Rusiyanın İranla bağlı mövqeyinə də toxunub: “Rusiyanın başı Ukrayna müharibəsinə qarışıb”.

Qeyd edək ki, bundan əvvəl İranın İsrailin F-35 və F-16 təyyarələrini vurması ilə bağlı da xəbərlər yayılmışdı. Bir neçə gün əvvəl isə hökumət eksperti İran televizyasının canlı verilişində bunu təkzib etmişdi.

“İsrail təyyarələri vurulmayıb. Təyyarələrin vurulması və İsrailin qadın pilotunun əsir götürülməsi barədə informasiyaların yayılması İran tərəfinin yaydığı xəbərləri etibarsız etmək məqsədi daşıyırdı”, - ekspert bildirmişdi.