Araşdırmalar göstərir ki, yeməklərə çili bibəri əlavə etmək maddələr mübadiləsini 5 faiz sürətləndirir.

Axar.az Medicina.az-a istinadən xəbər verir ki, araşdırma “FOOD Quality and Preference” akademik jurnalında dərc edilib.

Pensilvaniya Dövlət Universitetinin tədqiqatçısı həkim Paige Çunninqem tədqiqatın aparıcı müəllifidir. Tədqiqatçılar aşkar ediblər ki, ədviyyat artdıqda yemək sürəti yavaşlayır və istehlak edilən miqdar azalır. Araşdırma ilə bağlı Çunninqem qeyd edib:

"Yeməyinizi ləzzətli etmək üçün kifayət qədər çili bibəri əlavə etmək, zövq aldığınız dadı dəyişdirmədən daha az yeməyinizdə sizə kömək edə bilər".

Çili bibərlərinin tərkibində kapsaisin var, bu birləşmə onları ədviyyatlı edir. Bu birləşmənin maddələr mübadiləsini sürətləndirdiyi düşünülür. Piedmont Atlanta Xəstəxanasının klinik diyetoloqu Heli Robinson deyib ki, kapsaisin bədən istiliyimizi artırır, maddələr mübadiləsini sürətləndirir və kaloriləri daha sürətli yandırmağımıza imkan verir.

Araşdırmalar göstərir ki, çili bibəri maddələr mübadiləsini 5 faizə qədər sürətləndirə bilər. Çoxlu ədviyyatlı yemək yeyən insanlar gün ərzində daha az yeməyə meyllidirlər.

Harvarddakı tədqiqatçılar müntəzəm olaraq çili bibəri yeyən insanların ürək xəstəliyindən ölmə riskinin daha aşağı olduğunu və demək olar ki, hər gün ədviyyatlı qidalar yeyənlərin ölüm riskinin həftədə yalnız bir dəfə yeyənlərə nisbətən 14 faiz aşağı olduğunu söyləyirlər. Lakin, bu faydalara bir az şübhə ilə yanaşmalı və istehlak etdiyimiz miqdara diqqət yetirməliyik.