Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
26 May 2019


“Sen demə, günah öləndəymiş!”

Ana səhifə Sağlıq
12 Punto 14 Punto 16 Punto 18 Punto

Prokurorluq cinayət işinin başlanmasını rədd etdi "Qardaşımın həyat yoldaşı 26 yaşlı Pərvinə Hüseynovanın Sumqayıtdakı 2 saylı doğum evində keysəriyyə əməliyyatı zamanı həkimlərin məsuliyyətsizliyi nəticəsində dünyasını dəyişməsindən sonra ölüm işinin araşdırılması üçün lazımi instansiyalara etdiyim müraciətə nəhayət ki, cavab aldım".

Bu telejurnalist Afət Telmanqızının yaydığı məlumatda qeyd olunub.

Onun sözlərinə görə, işi araşdıran Yasamal rayon prokurorluğu gənc bir ananın ölümünə, bir körpənin anasız qalmasına səbəbkar olmuş həkimlərin əməllərində cinayət tərkibinin olmadığını əsas gətirərək, cinayət işinin başlanmasını rədd edib: "Pərvinə Hüseynovanın hamiləlik dövründə Sumqayıt şəhərinin 3 saylı poliklinikasında keçdiyi müayinələrin nəticələrinin normal olduğu, Pərvinənin hamiləlik dövründə hər hansı bir probleminin olmadığı sənədlərdə əksini tapsa da, bu da Sumqayıtdakı 2 saylı doğum evinin həkimləri Sevda Xanbutayeva, Nüsabə Mahmudova, Məhəmməd Səfərov barəsində cinayət işinin başlanmasına əsas verməyib. Bu azmış kimi adı çəkilən bu həkimlər prokurorluqda dindirilmə zamanı əməliyyat zamanı xəstənin bədənində cift qalıqlarını qoymadıqlarını deyiblər.

Halbuki xəstəni ölümcül vəziyyətə salan bu həkimlərin həmkarları Mirqasımov adına Respublika Klinik Xəstəxanasının həkimləri əməliyyat zamanı xəstənin bədənində cift qalıqlarının aşkarlandığını ifadələrində bildiriblər və xəstənin Sumqayıtdakı 2 saylı doğum evindən ağır vəziyyətdə Respublika Kliniki Xəstəxanasına çatdırıldığını deyiblər. Kliniki Xəstəxana Sumqayıtdakı xəstəxananın tibb personalının səhvini əməliyyat yolu ilə qaldırmağa çalışsa da, artıq hər şey gec idi.

Sumqayıtdakı adı çəkilən xəstəxananın həkimləri heç nə olmamış kimi azadlıqdadırlar. Bundan sonra neçə ailənin çırağını söndürmək üçün bu gün də əməliyyatlar aparır. Hüquq-mühafizə orqanlarının işə ədalətli baxacağına təəssüf ki nə qədər sadəlövcəsinə inanmışdım.

Heyf.... Sən demə günah öləndəymiş! Amma qanunların işləmədiyi yerdə, ilahi ədalətin varlığı təsəlli yerimdir. Qanun qarşısında cavab verməyənlərin, nə zamansa Allahın dərgahında cavab verəcəyinə əminəm. Ən azından bir körpənin ahının yerdə qalmayacağına əminəm".

Xatırladaq ki, jurnalist Afət Telmanqızının qardaşının həyat yoldaşı Pərvinə Hüseynova ötən il oktyabrın 25-də dünyasını dəyişib.

Tarix
2014.03.04 / 14:16
Müəllif
Axar.az
Şərhlər
loading...
Digər xəbərlər

Saxta balın zərərləri

Oruc tutmaq bu xəstəliklərdən qoruyur - Araşdırma

Ən təhlükəli siqaretlər bunlardır

Təzə çörəyin sağlamlıq üçün yaratdığı 5 problem - Video

Meyvə şirələri həyatı qısaldır - İlginc

Antiperspirantlar bu ağır xəstəlikləri yarada bilər

Valideynlərə xəbərdarlıq: Bu, ölümlə nəticələnə bilər

Səhiyyə Nazirliyindən Kərimovun iddialarına – Cavab

Bu içki insan ömrünü uzadır – 15 illik tədqiqat

Ölkədə qrip virusu yayılır? - Nazirlikdən açıqlama

KULT
<>
Xəbər xətti
 
e-vetendash
  
  
  
Axar.az'da reklam Bağla
Reklam
Bize yazin Bağla