Ana səhifə Sağlıq |
Bir tərəfdə Bəhram Bağırzadənin xəstəliyinə inanmayan insanlar, digər tərəfdə isə yaşaması üçün dəridən-qabıqdan çıxan tibbi heyət. Bir tərəfdə “bu şoudur” deyən kəslər, digər tərəfdə 19/06/2020 tarixli xarici ekspert rəylərində “bir faiz belə yaşama şansı yoxdur” açıqlamasını eşidib üzülənlər və kədərlənənlər...
Axar.az xəbər verir ki, bu sözləri sevilən sənətkar Bəhram Bağırzadənin həkimi Rəşad Mahmudov qeyd edib.
O bildirib ki, günlərdir koma vəziyyətində reanimasiyada yatan Bəhram Bağırzadənin səhhətində müsbətə doğru dəyişiklik var:
“Ağciyər fəaliyyəti yavaş-yavaş bərpa olunur. Ümidlərimizin tükəndiyi anda, “ağciyər transplantasiyası, yoxsa mezenkimal kök hüceyrəmi?” kimi fərqli spekulyativ müzakirələrin aparıldığı şəraitdə Bəhram qardaşımız yaşamaq uğrunda mübarizə apardı və bu hələ də davam edir...
Tezliklə şəfa tapmağını, gözlərini yenidən açmağını və ayağa qalxaraq yayılan bütün şayiələrə özünün açıqlama verməsini diləyirəm...
Tanrı Sizləri, dövlətimizi və dünyamızı qorusun”.
Tarix
2020.06.26 / 00:23
|
Müəllif
Axar.az
|