Kamal Abdulla və Qənirə Paşayeva çox səy göstərdilər.

Bu sözləri yazıçı Kənan Hacı səhhəti ilə bağlı Axar.az-a danışarkən deyib. O, tezliklə müalicə olunacağını bildirib:

"Bu gün Semaşko xəstəxanasında müayinədən keçdim. Həkim dedi, qaraciyərim şişib, öd kisəsində çöküntü var, mədəaltı vəzi görünmür. Qan analizinin cavabları sabah çıxacaq. Ondan sonra necə müalicə olunacağıma qərar verəcəklər. Səhiyyə Nazirliyi vəziyyəti tam nəzarətə götürüb. Yazıçı Kamal Abdulla və millət vəkili Qənirə Paşayeva bu işdə çox səy göstərdilər. Sağ olsunlar. Onlara və mövzunu gündəmdə saxlayan bütün həmkarlarıma minnətdaram".

Xatırladaq ki, yazıçı Kənan Hacı uzun müddətdir Hepatit C virusundan əziyyət çəkir.