Daimi yorğunluq, baş ağrıları və yaddaş itkisi təkcə yorğunluq və nevroloji deyil, daha ciddi bir vəziyyətin əlaməti ola bilər.

Axar.az Medicina.az-a istinadən xəbər verir ki, Endovaskulyar Neyrocərrahiyyə üzrə Tədqiqat Mərkəzinin rəhbəri Kirill Orlov bu şikayətlər çox vaxt beyin anevrizmasının olduğundan xəbər verdiyini açıqlayıb.

Onun sözlərinə görə, anevrizma uzun müddət heç bir əlamət göstərməyə bilər, ona görə də ona “səssiz” deyilir:

“Damar divarlarının anadangəlmə zəifliyindən tutmuş travmatik beyin xəsarətlərinin nəticələrinə və ya qan təzyiqində qəfil sıçrayışlara qədər bir sıra səbəblərdən yarana bilər. Siqaret və alkoqoldan sui-istifadə çox vaxt risk faktorları arasındadır”.

Həkim qeyd edib ki, anevrizma böyüdükcə xəstənin vəziyyəti pisləşə bilər: başgicəllənmə yaranır, ağrılar artır, iş qabiliyyəti azalır, konsentrasiya və yaddaşla bağlı çətinliklər yaranır:

“Formanın böyüməsi beyin toxumasına təzyiq göstərir və qanaxma riskini artırır”.

"Hər hansı nevroloji anormallıqlar, o cümlədən narahatlıq və yuxu pozğunluğu nevroloqa müraciət etmək və müayinədən keçmək üçün səbəbdir.

O cümlədən beynin MRT-si olunmalıdır. Anevrizmadan tamamilə xilas olmaq mümkün olmasa da, sağlam həyat tərzi xəstəliyin gedişatını dəyişdirməyə kömək edə bilər: xolesterol səviyyəsini izləməli, pəhrizinizi tarazlaşdırmalısınız və pis vərdişlərdən imtina etməlisiniz”, - həkim vurğulayıb.