“Terminator” filminin yeni çəkilişləri ilə bağlı təklifləri səbirsizliklə gözləyirəm.

Axar.az xəbər verir ki, bu sözləri amerikalı aktyor və Kaliforniyanın eks-qubernatoru Arnold Şvartsenegger deyib.

“Düşünürəm ki, insanlar mənə məlum olmayan səbəbdən nələrsə yazmaq istəyirlər. Mən də Tramp kimi belə məlumatları “Yalan xəbər” adlandırmaq istəmirəm. Bir şeyi demək istəyirəm: “Terminator”un yeni çəkilişi üçün təklifləri çox səbirsizliklə gözləyirəm”, - aktyor bildirib.

Bundan öncə yayılan informasiyalarda Şvartseneggerin daha heç vaxt Terminator rolunda çıxış etməyəcəyi bildirilmişdi.

Qeyd edək ki, sonuncu “Terminator. Genezis” adlı film 2015-ci ildə tamaşaçıların ixtiyarına verilmişdi.