Nizami Kino Mərkəzində “Sara” filminin təqdimat mərasimi baş tutub.

Kult.az xəbər verir ki, Sara adlı xanımın həyatından bəhs edən filmdə xalq artisti Rasim Balayev, aktrisa Duyğu Dəvəli çəkilib.

Filmin rejissoru Elvin Əhmədov söz alaraq hər kəsə gəldiyi üçün minnətdarlığını bildirib:

“Hamıya gəlib bizə dəstək olduqları üçün öz minnətdarlığımı bildirirəm. Bu filmi keçən Aprel savaşında həlak olan şəhidlərimizin və yaxın zamanda vəfat edən rejissor Seyid Şahin Zəkizadənin xatirəsinə həsir edirik”.

Filmi izləməyə sənət çevrələrindən demək olar ki, heç kim gəlməyib. Tamaşaçılar baş rolda çəkilən aktrisa Duyğu Dəvəlinin rolunun öhdəsindən gələ bilmədiyini deyiblər.