Ermənistanda çevriliş baş tuta bilər.

Bu sözləri Axar.az-a açıqlamasında rusiyalı politoloq Aleksandr Perenciyev deyib.

“Rəhbər zənginliyin, maliyyə vasitələrinin daxilolma mənbələrini itirəndə həm də hakimiyyətini itirmiş olur. Paşinyanın ətrafı yenidən eyni şeyi həyata keçirəcək, amma bu dəfə inqilab yerinə saray çevrilişi baş verəcək. Ona görə də məhz Paşinyanın ətrafı KİV-ə onun işğal edilmiş əraziləri Azərbaycan və Türkiyənin iqtisadi blokadasının ləğv edilməsi qarşılığında qaytarması haqqında məlumat sızdırır. Bunun məqsədi isə Paşinyanın milli xəyanətdə ittiham edilməsi üçün şəraitin yaradılmasıdır. Ona görə də Ermənistanda hakimiyyət strukturlarında çevriliş yaranması ehtimalı artır”, – deyə o bildirib.

Perenciyev Azərbaycan kartının Ermənistan hakimiyyəti daxilində oynanılacağını, amma hakimiyyətə gələn heç bir qrupun işğal edilmiş torpaqları Azərbaycana qaytarmayacağını deyib:

“Əgər konfliktin sərtliyi artsa, Rusiya buna müdaxilə edəcək. Burada isə məsələ başqa cür olacaq. Əvvəla, rəsmi Moskva Azərbaycanı rəsmi İrəvan kompromisə getməyənə qədər dayandırmayacaq. İkincisi, Rusiya tərəfi yalnız diplomatik vasitələr tətbiq edəcək”.