Axar.az
Yuxarı

Axar.Az Logo

Putin Köçəryana, Paşinyan Ankaraya üz tutur...

Ana səhifə Siyasət
12 Punto 14 Punto 16 Punto 18 Punto

Paşinyanın Putinlə görüşə hazırlaşdığı vaxt (7 aprel) diqqətçəkən iki hadisə baş verdi:

- Putin Köçəryanla onlayn formatda görüşdü;

- Nikol Ankaraya sərhədlərin açılması üçün çağırış etdi.

Putin-Paşinyan görüşündən öncə birincinin Köçəryanla görüşü Rusiyanın Ermənistan siyasətində “alternativ”ini nümayiş etdirməsidir. Köçəryanın erməni hökumətinin qarşısını almaq üçün etdiyi bütün cəhdlərə rəğmən, “Pozner”də müsahibəsinin çıxması da eyni mahiyyət daşıyır. Putin bununla iki gediş edir:

1. Ermənistan daxilində Köçəryanın nüfuzunu gücləndirir: 10 noyabr razılaşmasından sonra Kremlin erməni müxalifətini Robertin çətiri altında toplamaq planı istənilən effekti vermədi, Qasparyanın “hərbi qiyam” cəhdi də Rusiya hərbi elitasının siyasi elitanın erməni müxalifəti üzərindən nəticəsiz gedişlərindən təngə gəlməsi kimi görünürdü. Bu ssenari alınmadı və yenidən siyasi elitanın ssenarisi aktualdır.

Erməni müxalifətində Köçəryan planı tam reallaşmasa da, davam edir. Analoji ssenari digər qüvvələr üzərində də tətbiq edilir, çünki müxalifətin bir çətir altında toplanması baş tutmayandan sonra, Kremlin seçki öncəki formalaşan birlikləri, blokları ayrı-ayrılıqda dəstəkləmək, həm erməni müxalifətinə nəzarət etmək, həm “oyun qaydalarını pozan” hansısa qüvvə olacaqsa, əlində daim alternativləri saxlamaq, həm də parlamentdə mümkün qədər çox kürsü tutmaq variantını önə çəkdiyi görünür.

Burada Köçəryanın da Kremldən ikinci şans istəməsi istisna deyil: Robert müxalifəti birləşdirmək missiyasını yerinə yetirə bilmədi və mümkündür ki, Putinlə dostluq əlaqələrini işə salaraq, öz bloku ilə mübarizə aparmaq şansı istəyib.

Hər iki halda Köçəryan rusların əsas favoritlərindən biridir.

2. Görüşdən öncə Köçəryanı qəbul edən Putin bununla şərtlərini Paşinyana qəbul etdirmək və “oyundan kənara” çıxmaması üçün zəmin hazırlayır: Nikol seçki öncəsi istefa verəcəksə, Putindən təhlükənin olmayacağı ilə bağlı zəmanət istəyir; Rusiya indiki şərtlərdə devirə bilmədiyi Paşinyan hakimiyyəti ilə işləyəcək, lakin şərtləri var:

- Ermənistan anti-Rusiya oriyentasiyasına keçməməlidir;

- Rusiyanın dəstəklədiyi müxalif qüvvələri fəaliyyətini məhdudlaşdırmamalıdır;

- Seçkidə rusların dəstəklədiyi müxalif qüvvələrə parlamentdə yer verməlidir: istisna deyil ki, ruslar yeni hökumətin koalisiya əsasında formalaşdırılmasını da istəsin;

Moskvaya getməmişdən öncə Paşinyanın Ankaraya verdiyi mesaj bu kontekstdə təsadüfi deyil və iki məqsədə hesablanıb:

Birincisi, Paşinyan Türkiyənin Qarabağa “terrorçu gətirib” iddiasını təkrarlamaqla, Moskvaya “mərkəzdən qaçmaq” niyyətinin olmadığını göstərir;

İkincisi, “Ankara İrəvana qarşı siyasətini dəyişdirməlidir” deməklə Türkiyəyə “mənə dəstək verin” mesajını verir və bununla Moskvaya “alternativim var” mesajını da ötürür.

Moskva görüşü Ermənistanda növbədənkənar seçkinin (Nikol Putinə inanmasa, seçkini təxirə sala, yaxud ləğv edə bilər) taleyinə və seçkidən sonra regionun mənzərəsinə təsir edəcək. Ankara və Bakının erməni siyasətinə təsirləri artıracağı da gözləniləndir.

Tarix
2021.04.07 / 00:44
Müəllif
Asif Nərimanlı
Şərhlər
Digər xəbərlər

Merkeldən Qarabağ açıqlaması: Hörmət olunmalıdır!

Xankəndidə parad keçiriləcək: necə və kiminlə?

Zülfüqarov: İrəvan danışıqlarda bizə deyirdi ki... - Video

AŞPA-da azərbaycanlılar və ermənilər sakitliyə çağırıldı

Azay Quliyev missiya rəhbəri kimi Albaniyaya gedir

Rusiya ilə bağlı “ağır ssenari”: Navalnı da ölərsə... - Video

Gürcüstan DTX: Bakı və İrəvanla təmaslar...

Tiflis Bakı-İrəvan arasında vasitəçilik edir? Səmimidirmi?

Fransa Qarabağın bərpasına can atır, yoxsa?.. - Şərh

Bayramov misirli həmkarına başsağlığı verdi

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla