Laçın Beynəlxalq Hava Limanının açılışına Pakistan və Türkiyə liderlərinin qatılacağı barədə məlumat Ermənistanda isterik reaksiyalara səbəb olub.

Axar.az xəbər verir ki, erməni ekspertlər bir-birinin ardınca bu açılışın “xüsusi mesaj” olduğunu ifadə etməyə tələsirlər.

Erməni ekspert Şiraz Xaçatryan iddia edib ki, Laçın lava limanının böyük simvolik və “hərbi-siyasi” əhəmiyyəti var:

”Aeroportun açılışında iştirak etməyə hazırlaşan Türkiyə və Pakistan liderləri bu layihənin təkcə Azərbaycanın təşəbbüsü deyil, həm də birgə təşəbbüs olduğunu nümayiş etdirirlər. Bu, Ermənistana, İrana və daha geniş mənada regional oyunçulara ünvanlanmış mesajdır.

Laçın strateji yüksəklikdə yerləşir və bu yeni tikilmiş hava limanı faktiki olaraq Azərbaycana müttəfiqləri ilə birlikdə Ermənistana nəzarət etməyə imkan verir.

Bura həm də son illərdə açıq şəkildə inkişaf edən, birgə hərbi təlimlər, silah-sursat təchizatı və siyasi bəyanatlarla Azərbaycan-Türkiyə-Pakistan hərbi-siyasi ittifaqının simvoludur”.

Qeyd edək ki, Əliyev, Ərdoğan və Şərifin iştirakı ilə Laçın Hava Limanının açılışının sabah olacağı gözlənilir.