Hökməli-Qobu yolunda baş verən və üç nəfərin ölümü ilə nəticələnən yol qəzası ilə bağlı cinayət işinə başlanılıb.

Axar.az xəbər verir ki, faktla bağlı Abşeron rayon Polis İdarəsində Cinayət Məcəlləsinin 263.3-cü (yol istismar qaydalarını pozma, iki və daha çox şəxsin ölümünə səbəb olduqda) maddəsi ilə cinayət işi açılıb, müvafiq ekspertizalar təyin edilib.

Qeyd edək ki, Umudvar Usub oğlu Abbasov yol vərəqəsi ilə idarə etdiyi "MAN TGX 18440" markalı yəhərli dartıcı yük avtomobili ilə hərəkətdə olarkən həmin yolda əks istiqamətdə hərəkətdə olan "Toyota Prius" markalı avtomobillə toqquşub.

Nəticədə "Toyota Prius" markalı avtomobilin sürücüsü 1985-ci il təvəllüdlü Zaur Çingiz oğlu Məmmədov və həmin avtomobildə olan sərnişin 1958-ci il təvəllüdlü Nariyə Osman qızı Məmmədova aldıqları xəsarətlərdən hadisə yerində ölüb, digər sərnişin 1954-cü il təvəllüdlü Mübarək Polad oğlu Məmmədov isə xəsarət alaraq Mərkəzi Respublika Xəstəxanasına yerləşdirilib.

TƏBİB isə 3 nəfərin öldüyü haqda açıqlama yayıb.

Fatkla bağlı Abşeron RPİ-də Azərbaycan Respublikası CM-nin 263.3-cü maddəsi ilə cinayət işi başlanaraq, istintaq aparılır.