Masallı rayonunda ölümlə nəticələnən yol qəzası baş verib.

Axar.az Unikal.az-a xəbər verir ki, Masallı Ziyalıları İctimai Birliyinin sədri 79 yaşlı Qardaş Fətullayev avtomobil qəzasına düşüb.

Hadisədən sonra xəstəxanaya çatdırılsa da, həkimlərin göstərdiyi bütün səylərə baxmayaraq, onun həyatını xilas etmək mümkün olmayıb.

Qeyd edək ki, mərhum 9 il Masallı Rayon Komsomol Komitəsinin birinci katibi işləyib. Daha sonra 14 il Masallı Rayon XDS-də sədr müavini, Məişət Xidməti Kombinatının rəisi, yerli istehsal kombinatının direktoru vəzifələrində çalışıb.

Masallı ziyalıları İB-nin sədri, YAP Masallı Rayon Təşkilatının, rayon Ağsaqqalar Şurasının, rayon Təhsil İşçiləri Həmkarlar Komitəsinin üzvü idi.