Xəbər verdiyimiz kimi, fevralın 6-da Bakının Binəqədi rayonunda yerləşən özəl “İdrak” liseyinin şagirdi müəllimi güllələyib.

Şagird atasına məxsus ov silahı ilə təhsil müəssisəsinə gələrək orada riyaziyyat müəllimi işləyən 1997-ci il təvəllüdlü Şəhla Kamilovaya atəş açıb. Güllə yarası alan müəllim xəstəxanaya yerləşdirilib.

Baş vermiş insidentlə bağlı üç dövlət qurumu rəsmi məlumat yayıb. Daxili İşlər Nazirliyi və Baş Prokurorluq faktı təsdiqləyib, şagirdin saxlanıldığını, cinayət işinin başlandığını açıqlayıb.

Buna baxmayaraq, “İdrak” liseyinin rəhbərliyi baş vermiş hadisəni danmağa çalışıb, xəbərin yayıldığı ilk saatlarda övladları orada təhsil alan valideynləri aldatmağa cəhd göstərib.

Axar.az Savashmedia-ya istinadla "İdrak" liseyi rəhbərliyinin valideynlərin Vatsap qrupuna göndərdiyi mesajın fotosunu təqdim edir: