Sabunçu Tibb Mərkəzinin direktoru Nurəngiz Bəşirova vəzifəsindən azad edilib.

Axar.az APA-ya istinadla xəbər verir ki, onun vəzifəsi müavini Kamil Hacıyevə həvalə edilib.

Qeyd edək ki, son günlər bir neçə xəstəxananın baş həkiminin dəyişməsi barədə məlumat yayılıb.

Yeni Klinikanın baş direktoru Barat Yusubov və Klinik Tibbi Mərkəzin direktoru Könül Ələkbərov vəzifələrindən azad edilmələri barədə xəbəri təsdiqləyiblər.

Respublika Uroloji Mərkəzin direktoru Pərviz Hacıyev və Abşeron Mərkəzi rayon Xəstəxanasının direktoru Səkinə Sadıqovanın da vəzifələrindən azad edilməsi barədə məlumatlar yayılıb.

Məsələ ilə bağlı TƏBİB-ə yönləndirilən çoxsaylı sorğular isə cavabsız qalıb.