Xəbər verdiyimiz kimi, Naxçıvanda 2019-cu il təvəllüdlü Elmir Cahangir oğlu Qurbanov su kanalına düşərək həyatını itirib.

Axar.az Musavat.com-a istinadla xəbər verir ki, azyaşlı Dövlət Sərhəd Xidmətinin ehtiyatda olan hərbi qulluqçusu, Vətən Müharibəsi Qəhrəmanı general-leytenant Babək Qurbanovun və Xüsusi Təyinatlı Qüvvələrin ehtiyatda olan polkovnik-leytenantı Bayram Qurbanovun qardaşı oğludur.

Prezident İlham Əliyev tərəfindən “Vətən Müharibəsi Qəhrəmanı” adına layiq görülən Babək Qurbanov eyni zamanda “Cəbrayılın azad olunmasına görə”, “Zəngilanın azad olunmasına görə” medalları ilə də təltif edilib.

Babək Qurbanovun əkiz qardaşı Bayram Qurbanov da Vətən Müharibəsinin iştirakçısı olub və Prezident tərəfindən Şuşanın, Kəlbəcərin, Cəbrayılın azad olunmasına görə, eləcə də “Döyüşdə fərqlənməyə görə” medalları ilə təltif olunub.

Qeyd edək ki, uşağın atası tanınmış dirijor Cahangir Qurbanovdur.